Baada ya ugonjwa wa mafua ya ndege kugundulika nchi jirani ya Uganda baada ya kuwepo kwa vifo vingi vya ndege pori katika maeneo  ya Lutembe beach, Masaka, Kachanga, Bukibanga na Bukakata na vifo hivyo kutokea kwa baadhi ya ndege wafugwao (kuku na bata) na inahisiwa kuwa ndege hao wamepata virusi vya ugonjwa huo kutoka kwa ndege pori wanaohama kutoka nchi za Ulaya. Baada ya taarifa hizo Wizara ya Afya, Maendeleo ya Jamii, Jinsia, Wazee na Watoto leo January 18 2017 imetoa taarifa kuhusu kuwepo kwa virusi vya mafua makali ya ndege katika nchi jirani ya Uganda.  Aidha taarifa hiyo imeeleza kuwa maeneo yalioathirika ni maeneo yanayozunguka ziwa Victoria pamoja na ziwa lenyewe. Taarifa iliyotolewa na wizara ya afya imesema kuwa hadi sasa hakuna binadamu yeyote aliyeonekana kuwa na dalili za ugonjwa huo huko nchini Uganda hivyo wametoa tahadhari  kuwa  kuna uwezekano mkubwa wa ugonjwa kusambaa kwa binadamu ikiwa hatua madhubuti  za kujikinga hazitazi...

Wafalme wa Manzese, Madee na Nay wa Mitego, wameirejesha tena bifu yao. Imerudi upya baada ya Madee kuandika mstari kwenye wimbo wake mpya, Hela ambao umetafsiriwa kumwendea hasimu wake, Nay. “Yule kijana wa home sio staa, anatukana hata waliomzaa, wivu tamaa na njaa ukiendekeza ujue kidole utakaa,” Madee amerap kwenye wimbo huo. Baada ya muda mfupi tangu wimbo huo utoke, Nay aliandika kwenye Instagram, “Leo nimesikia Wimbo Mbayaaaaa kuliko nyimbo mbaya nilizowahi kusikia Mwaka huu.” “Mtag uyo Msanii mwenye huo wimbo Kama ushausikia..?!”

Hit maker wa wimbo ‘Moyo Sukuma Damu’ Lameck Ditto amedai kabla hajaandika wimbo huo alianza kufanya utafiti ili kujua kazi ya moyo. Muimbaji huyo ambaye pia ni muandishi mzuri wa nyimbo, alikiambia kipindi cha Yaliyomo Yamo Cha Radio One Stereo kuwa asingeweza kuandaa wimbo huo vizuri bila kufanya utafiti wa kile alichokizungumza. “Kabla sijaimba Moyo Sukuma Damu, nilifanya research kujua kazi ya moyo,” alisema Ditto. Aliongeza, “Muziki wa sasa hivi umekuwa sana, mashabiki wanasikiliza neno hadi neno, kwahiyo suala la utafiti kama unaweza kufanya ni bora ufanye ili kuboresha zaidi muziki wako,” Muimbaji huyo ni mmoja kati ya wasanii wachache waliorudi kwa kishindo kwenye muziki baada ya kukaa kimya kwa muda mrefu.

Rais wa zamani wa Marekani, George H.W. Bush amekimbizwa katika hospitali ya Houston Methodist ya mjini Texas baada ya kuzidiwa ghafla. Kwa mujibu wa ripoti iliyotolewa na mkuu wa wafanyikazi wa rais huyo wa 41 wa nchi hiyo, Jean Becker kwa sasa hali yake inaendelea vizuri na kuna uwezekano mkubwa akaruhusiwa kutoka hospitalini siku chache zijazo. Siku chache zilizopita mtoto wake George W. Bush ambaye na yeye aliwahi kuwa Rais Marekani alitoa ripoti kuwa atahudhuria sherehe za kuapishwa Donald Trump huku akiongeza kuwa baba yake, George H.W., hatohudhuria kutokana na umri wake kuwa umeenda sana.

Mchezaji wa klabu ya Manchester City Yaya Toure inasemakana kuwa amekataa ombi la mshahara wa paundi 430,000 kwa wiki kutoka China. Toure ambaye ana umri wa miaka 33 amevutia timu nyingi katika ligi ya China ,wakati ilipoonekana kwamba huenda asishirikishwe katika mechi zozote na kocha Pep Guardiola. Aliamua kutoondoka wakati huo na akakataa tena alipopewa kitita hicho wakati wa dirisha hili la uhamisho. Mkataba wa raia huyo wa Ivory Coast unakamilika msimu huu. Amekuwa mchezaji muhimu wa City tangu aliporudishwa katika kikosi cha kwanza na alianza mechi yake ya saba mfululizo wakati wa kushindwa kwa 0-4 dhidi ya Everton katika mechi ya ligi ya Uingereza hapo Januari 15. Toure amekuwa huru kuingia katika mkataba na vilabu vingi ughaibuni tangu mwezi Januari lakini imedaiwa kwamba bado anapenda ligi ya Uingereza. Toure bado hajapata hakikisho lolote kuhusu mkataba wake kutoka kwa kocha wake Guardiola.